Башкы
>
Жаңылыктар
Улуттук гвардиянын жаш жоокерлери ант беришти
2024-жылдын 31-октябрында КР КК Улуттук гвардиясынын аскер бөлүгүнүн күзгү чакырыктагы жаш жоокерлерин аскердик антка келтирүү боюнча салтанаттуу иш-чара болуп өттү.
Жаш Мекен сакчыларын Улуттук гвардиянын Кол башчысы гвардиянын полковниги Талантбек Эргешов, гвардиянын ардагерлери генерал-полковник Абдыгул Чотбаев, генерал-майор Асанбек Алымкожоев, полковник Чынык Дакинов, жана Республикалык жоокерлердин энелер комитетинин өкүлү Жумалиева Мээрим, жоокерлердин жакындары жана меймандар куттукташып, каалоо-тилектерин айтышты.
Аскердик антка келтирүүгө чейин, бир айдын ичинде жаш жоокерлер жалпы аскердик даярдыктан өтүшүп, аскердик кызматка зарыл болгон билимди жана саптык, дене-тарбия, ок атуунун ыкмаларын жана жалпы аскердик уставдардын беренелерин, аскер кызматынын коопсуздугунун негиздерин үйрөнүштү.
Салтанаттуу иш-чара кыска убакыттын ичинде даярдалган жаш жоокерлердин саптык даярдык жана кол мушташ ыкмалары көрсөтүүлөрү менен уланды. Соңунда жаш жоокерлердин назарына майрамдык концерт тартууланды.
